Le recensiones del additivos es un maniera de compartir tu opinion sur le additivos que tu ha installate e usate. Nostre equipa de moderation del recensiones se reserva le derecto de refusar o remover omne recension que non respecta iste directivas.
Suggestiones pro scriber un bon recension
A facer:
- Scribe como si tu parla a un amico sur tu experientia con le additivo.
- Scribe recensiones in maniera concise e facile a comprender.
- Da detalios specific e utile. Per exemplo:
- Functiona le additivo como tu sperava?
- Que functiones te placeva o displaceva?
- Esseva illo utile?
- Esseva illo facile a usar?
- Continuara tu a usar iste additivo?
- Prende un momento pro leger tu recension ante de inviar lo pro minimisar le errores de orthographia.
A evitar:
- Inviar recensiones de un sol parola, p.ex. "Optimo!", "meraviliose," o "mal".
- Inviar problemas technic, requestas de adjuta, o suggestiones de functionalitate. Usa in vice le optiones de supporto disponibile pro cata additivo, si presente. Tu pote trovar los in le section "Altere informationes" in le barra lateral sur le pagina del detalios del additivos.
- Scriber recensiones de additivos que tu non ha usate personalmente.
- Usar profanitate, linguage sexual o linguage que pote esser interpretate como odiose.
- Includer HTML, ligamines, codice fonte o fragmentos de codice. Le recensiones debe continer solmente texto.
- Facer declarationes false, denigrar autores del additivos o insultar les personalmente.
- Includer email, numero de telephono o altere detalios personal tue proprie o de quicunque altere.
- Publicar recensiones de un additivo que tu o tu organisation ha scribite o representa.
- Criticar un additivo pro un cosa que illo es destinate a facer. Per exemplo, lassar un recension negative de un additivo perque illo monstra annuncios o require le collecta de datos, quando iste es le scopo explicite del additivo, o le additivo require le collecta de datos pro functionar.
Folio a questiones sur le recensiones
Como pote io signalar un recension problematic?
Per favor reporta o signala omne recension problematic con le button "Signalar iste recension" e illo essera submittite al attention del moderatores. Nostre equipa de moderation usara le Lineas Guida pro Recensiones pro determinar si deler o restaurar le recension sur le sito.
Io es le un autor de un additivo, pote io responder al recensiones?
Si, le autores de additivos pote fornir un sol responsa a un recension. Tu pote aperir un topico in nostre foro pro continuar le discussion.
Io es le autor de un additivo, pote io deler recensiones o evalutationes non favorabile?
In general, no. Ma si le recension non respecta le directivas enumerate hic supra, tu pote cliccar sur "Signalar iste recension" pro demandar que un moderator lo examina. Si un recension include un querela que non es plus valide post publicar un nove version de tu additivo, nos pote considerar deler le recension.